سامحوني اني مش هكتب بالعربية الفصحي وهكتب عادي شعبي يعني بس اصل الموضوع دا بالذات مش هعرف انمق كلامي فيه ,,,خلاصة الامر اني بقالي فترة كبيرة جدا بنات كتير بتسألني اتجوز دكتور زيي ولا يفضل حد من خارج المهنة وكنت ببقي مش ع
ايزة ارد اوي لاني متزوجة من خارج المهنة "ولله الحمد " فآرائي هتؤخذ علي انها تجربة شخصية وبعيدة عن الواقع السائد وهو ان الدكتور لازم يتجوز دكتورة
لحظة لحظة
انا يمكن كلامي مش هيبقي مقارنة أد ماهو مشاهدات من الواقع بس لازم نتفق علي حاجات الاول
1-ان الجواز قسمة ونصيب يعني في الاخر لو مكتوبلك تتجوز دي خلصت خلاص مكتوب ان محمد هيتجوز فاطمة رضي محمد او مرضيش دا مقدر ومكتوب وللعلم كل واحدة بتبقي عاملة زي القفل مبيفتحهاش غير مفتاح واحد
2- ان في الاختيار في اساسيات بنختار عليها ممكن تبقي منها الكلية لكن الموضوع كله بيبقي عامل زي العملية الحسابية مفاضلات ومميزات بتسد سلبيات وبتبقي في عوامل اقوي زي القبول والتوافق فليست الكلية هي البند الاساسي في الاختيار
3- ان دي وجهة نظر شخصية مبنية عن مشاهدات واحتكاكات في الواقع وليست للتعميم فلكل قاعدة شواذ وشفت ناس ضربت اروع مثل في الحالتين
4- في عوامل شخصية كتير بتحكم المسألة يعني مينفعش الكلام دا ينطبق علي الكل من ضمن العوامل مثلا التربية واسلوب المعيشة اللي اتربي عليه كل فرد يعني ممكن يبقي اتربي في بيت الاب والام دكاترة وهو يا اما معجب بالتجربة جدا او متعقد منها جدا ,صفات شخصية تتيح او تمنع الزواج من دكتورة زي التعاون, الطموح ,الغيرة , .....
طيب بصوا بقي دكتور ولا اكس دكتور
دكتورة ولا اكس دكتورة
مبدأيا كدا هنقول مميزات ان دكتور يتجوز دكتورة :
1- اكتر اتنين هيفهموا بعض كويس جدا هما الدكاترة يعني تبقوا راجعين من الشغل هتلاقي حد في البيت عارف تتكلم معاه عن الطب وكمان الدكتورة اكتر واحدة بتفهم حياة الدكتور ومشاغله ويعني ايه مذاكرة ماجستير وانك لازم تنجح
2- ممكن تساعدوا بعض في العيادة والشغل يعني انت تشيل شغل عنها وهي تسد في حاجة تانية وممكن تساعدوا بعض في الماستر والمذاكرة وكدا
3- وجاهة اجتماعية وتربية الاولاد بشكل مختلف وان كنت انا ليا اعتراض علي دي لكن للانصاف هي وجهة نظر غالبة علي المجتمع ولا بد من ذكرها
4- بعض الدكاترة بيتجوزوا دكتورة عشان هتدخله دخل مادي كويس وخصوصا لو كانت نسا وولادة واعرف ناس دا كان اساس اختيارهم "طبعا من وجهة نظري دي يعني حاجة يع اوي "
5- الدكاترة الفيمال غالبا بيبقوا عقلانيين زيادة ومش تافهين او سطحيين ومش هتشغل مخك بكل شوية انت سايبني لوحدي ,ما اتصلتش بيا ليه ,هو انت متجوز الشغل....... الدكتورة لا خالص لانها اولا مش فاضية ثانيا عارفة ان وقتك مش ملكك ودايما هتدفعك للامام
6- غالبا يعني لو الدكاترة متجوزوش دكتورات مين اللي هيتجوزهم فدا نوع برضه من التكافل وكمان الدكاترة الفيميل بيبقوا مثقفين كدا وملتزمين بحاجات صعب شوية تلاقيها في ناس تانية وكذلك الدكتور غالبا بيبقي مالي مركزه ومش ليه بقي في افلام وكورة ومش عارف ايه
نيجي بقي لاكس دكتور او اكس دكتورة ونسقط عليهم الكلام اللي فات
1- من ناحية هيفهموا بعض انتوا محتاجين اول ما تروحوا البيت ترموا الطب ورا الباب فمش طالبة لما ترجع انك تقعد تسمع او تسمعي كلام في الطب كفاية اللي انت شفته طول النهار وكتير في ناس برضه من خارج تخصصنا بيفهموا كويس الكلام الطبي حتي لو اكتفوا بالتشجيع
2- بالنسبة للمساعدة اه ممكن الاكس دا يساعد مش شرط في الطب في حاجات بره الطب يعني علي الاقل هيبقي عنده وقت يوصلك ويجيبك من الشغل , هيجيب العيال من المدرسة , ممكن كمان الاكس دكتورة تنطبق عليها المواصفات اللي فاتت وكمان تشيل عنك عبأ البيت كله بما فيه فانت بتروح تاكل وتلاقي كل حاجة متوفرة
3- وجاهة اجتماعية برضه لما تبقي هندسة ولا صيدلة او اداب وتجارة ميضرش وانتي نفس الكلام ممكن يبقي وجاهته في مركزه في الشغل والتربية السليمة للاولاد دي رزق من ربنا وتفاهم بين زوجين وتوزيع مسئولية عليهم مش مرتبطة ابدا بالطب
4- الدخل المادي اعتقد انه لو بقي اكس دكتور فالموضوع حلو لانهم غالبا بيبقوا بيقبضوا احسن من الدكاترة اللي انتي بالفعل عارفة هما بيقبضوا كام وعشان يزودوا دا بيعملوا ايه وبيتعبوا اد ايه والاكس دكتورة علي فكرة برضه لو بتشتغل فهما غالبا بيقبضوا زينا او احسن
5- العقلانية والعمق مش حكر علي الدكاترة وان كانت صفة اصيلة فيهم لكنها موجودة في غيرهم وفي نماذج كتير تفوق الدكاترة في دا بل في الدكاترة من هم سطحيين وسذج وتافهين
اما العيوب بقي في الحلقة الجاية لانها فيها كلام كتير وقصص كدا لكن هأكد برضه تاني علي ان في عوامل شخصية وصفات بتحكم الموضوع لازم تعرض نفسك او تعرضيها علي الكلام دا وتشوفوا هتقدروا فعلا تتكيفوا علي دا الوضع ولا لا ويبقي ان الاصل في الموضوع هو القبول والتوافق انما هي وقفات لمن كان اساس الاختيار عنده في الاساس هو طب او اكس طب
ممنوع اي نقاش حتي اكتمال الحلقة التانية قريبا جدا باذن الله
لحظة لحظة
انا يمكن كلامي مش هيبقي مقارنة أد ماهو مشاهدات من الواقع بس لازم نتفق علي حاجات الاول
1-ان الجواز قسمة ونصيب يعني في الاخر لو مكتوبلك تتجوز دي خلصت خلاص مكتوب ان محمد هيتجوز فاطمة رضي محمد او مرضيش دا مقدر ومكتوب وللعلم كل واحدة بتبقي عاملة زي القفل مبيفتحهاش غير مفتاح واحد
2- ان في الاختيار في اساسيات بنختار عليها ممكن تبقي منها الكلية لكن الموضوع كله بيبقي عامل زي العملية الحسابية مفاضلات ومميزات بتسد سلبيات وبتبقي في عوامل اقوي زي القبول والتوافق فليست الكلية هي البند الاساسي في الاختيار
3- ان دي وجهة نظر شخصية مبنية عن مشاهدات واحتكاكات في الواقع وليست للتعميم فلكل قاعدة شواذ وشفت ناس ضربت اروع مثل في الحالتين
4- في عوامل شخصية كتير بتحكم المسألة يعني مينفعش الكلام دا ينطبق علي الكل من ضمن العوامل مثلا التربية واسلوب المعيشة اللي اتربي عليه كل فرد يعني ممكن يبقي اتربي في بيت الاب والام دكاترة وهو يا اما معجب بالتجربة جدا او متعقد منها جدا ,صفات شخصية تتيح او تمنع الزواج من دكتورة زي التعاون, الطموح ,الغيرة , .....
طيب بصوا بقي دكتور ولا اكس دكتور
دكتورة ولا اكس دكتورة
مبدأيا كدا هنقول مميزات ان دكتور يتجوز دكتورة :
1- اكتر اتنين هيفهموا بعض كويس جدا هما الدكاترة يعني تبقوا راجعين من الشغل هتلاقي حد في البيت عارف تتكلم معاه عن الطب وكمان الدكتورة اكتر واحدة بتفهم حياة الدكتور ومشاغله ويعني ايه مذاكرة ماجستير وانك لازم تنجح
2- ممكن تساعدوا بعض في العيادة والشغل يعني انت تشيل شغل عنها وهي تسد في حاجة تانية وممكن تساعدوا بعض في الماستر والمذاكرة وكدا
3- وجاهة اجتماعية وتربية الاولاد بشكل مختلف وان كنت انا ليا اعتراض علي دي لكن للانصاف هي وجهة نظر غالبة علي المجتمع ولا بد من ذكرها
4- بعض الدكاترة بيتجوزوا دكتورة عشان هتدخله دخل مادي كويس وخصوصا لو كانت نسا وولادة واعرف ناس دا كان اساس اختيارهم "طبعا من وجهة نظري دي يعني حاجة يع اوي "
5- الدكاترة الفيمال غالبا بيبقوا عقلانيين زيادة ومش تافهين او سطحيين ومش هتشغل مخك بكل شوية انت سايبني لوحدي ,ما اتصلتش بيا ليه ,هو انت متجوز الشغل....... الدكتورة لا خالص لانها اولا مش فاضية ثانيا عارفة ان وقتك مش ملكك ودايما هتدفعك للامام
6- غالبا يعني لو الدكاترة متجوزوش دكتورات مين اللي هيتجوزهم فدا نوع برضه من التكافل وكمان الدكاترة الفيميل بيبقوا مثقفين كدا وملتزمين بحاجات صعب شوية تلاقيها في ناس تانية وكذلك الدكتور غالبا بيبقي مالي مركزه ومش ليه بقي في افلام وكورة ومش عارف ايه
نيجي بقي لاكس دكتور او اكس دكتورة ونسقط عليهم الكلام اللي فات
1- من ناحية هيفهموا بعض انتوا محتاجين اول ما تروحوا البيت ترموا الطب ورا الباب فمش طالبة لما ترجع انك تقعد تسمع او تسمعي كلام في الطب كفاية اللي انت شفته طول النهار وكتير في ناس برضه من خارج تخصصنا بيفهموا كويس الكلام الطبي حتي لو اكتفوا بالتشجيع
2- بالنسبة للمساعدة اه ممكن الاكس دا يساعد مش شرط في الطب في حاجات بره الطب يعني علي الاقل هيبقي عنده وقت يوصلك ويجيبك من الشغل , هيجيب العيال من المدرسة , ممكن كمان الاكس دكتورة تنطبق عليها المواصفات اللي فاتت وكمان تشيل عنك عبأ البيت كله بما فيه فانت بتروح تاكل وتلاقي كل حاجة متوفرة
3- وجاهة اجتماعية برضه لما تبقي هندسة ولا صيدلة او اداب وتجارة ميضرش وانتي نفس الكلام ممكن يبقي وجاهته في مركزه في الشغل والتربية السليمة للاولاد دي رزق من ربنا وتفاهم بين زوجين وتوزيع مسئولية عليهم مش مرتبطة ابدا بالطب
4- الدخل المادي اعتقد انه لو بقي اكس دكتور فالموضوع حلو لانهم غالبا بيبقوا بيقبضوا احسن من الدكاترة اللي انتي بالفعل عارفة هما بيقبضوا كام وعشان يزودوا دا بيعملوا ايه وبيتعبوا اد ايه والاكس دكتورة علي فكرة برضه لو بتشتغل فهما غالبا بيقبضوا زينا او احسن
5- العقلانية والعمق مش حكر علي الدكاترة وان كانت صفة اصيلة فيهم لكنها موجودة في غيرهم وفي نماذج كتير تفوق الدكاترة في دا بل في الدكاترة من هم سطحيين وسذج وتافهين
اما العيوب بقي في الحلقة الجاية لانها فيها كلام كتير وقصص كدا لكن هأكد برضه تاني علي ان في عوامل شخصية وصفات بتحكم الموضوع لازم تعرض نفسك او تعرضيها علي الكلام دا وتشوفوا هتقدروا فعلا تتكيفوا علي دا الوضع ولا لا ويبقي ان الاصل في الموضوع هو القبول والتوافق انما هي وقفات لمن كان اساس الاختيار عنده في الاساس هو طب او اكس طب
ممنوع اي نقاش حتي اكتمال الحلقة التانية قريبا جدا باذن الله
ليست هناك تعليقات:
إرسال تعليق